நீதிமான் விரும்புகிற காரியம் அவனுக்குக் கொடுக்கப்படும்.

 நீதிமான் விரும்புகிற காரியம் அவனுக்குக் கொடுக்கப்படும். நீதிமொழிகள் 10:24

புத்தியுடையவன் கணக்குப்பார்க்கக்கடவன்.

புத்தியுடையவன் கணக்குப்பார்க்கக்கடவன். வெளி 13:18

விசுவாசமுள்ள ஜெபம் பிணியாளியை இரட்சிக்கும்

விசுவாசமுள்ள ஜெபம் பிணியாளியை இரட்சிக்கும். யாக்கோபு 5:15 
Prayer offered in faith will heal the sick. James 5:15

நிச்சயமாக பதில் உண்டு

அன்னாள் அழுதாள் - சாமுவேல் பிறந்தான்.

ஆகார் அழுதாள் - தண்ணீர் துரவைக் கண்டாள்.

எசேக்கியா அழுதான் - ஆயுளில் 15 ஆண்டுகள் கூட கிடைத்தது.

நெகேமியா அழுதான் - எருசலேமின் அலங்கம் கட்டப்பட்டது.

எஸ்தர் அழுதாள் - யூதருக்கு அழிவிலிருந்து விடுதலை கிடைத்தது.

பாபிலோனிலிருந்த யூதர்கள் அழுதார்கள் - விடுதலை பெற்று ஒரு ஜாதியாய் நிலைநாட்டப் பட்டார்கள்.

மகதலேனா மரியாள் அழுதாள் - உயிர்த்தெழுந்த இயேசுவை முதலாவதாக‌ தரிசித்தாள்.

நீ ஏதற்காக‌ அழுகிறாய் ??

நிச்சயமாக பதில் உண்டு

உன் நம்பிக்கை வீண்போகாது!

நிச்சயமாகவே முடிவு உண்டு; உன் நம்பிக்கை வீண்போகாது. நீதிமொழிகள் 23:18

தமிழில் பொறிக்கப்பட்டுள்ள பரமண்டல ஜெபம்

Church of the Pater Noster என்பது எருசலேம் நகரில் ஒலிவமலையின் மேல் அமைந்துள்ள ஓர் ஆலயம். இவ்விடத்தில் தான் இயேசு கிறிஸ்து தமது சீஷர்களுக்கு பரமண்டல ஜெபம் செய்ய கற்றுக்கொடுத்தார் என வேத ஆராய்சியாளர்கள் நம்புகிறார்கள் (மத்:6 9 13).இந்த ஆலயத்தின் சுவர்களில் உலகின் பல்வேறு மொழிகளில்  பரமண்டல ஜெபம் பொறிக்கப்பட்டுள்ளது.மேலே நீங்கள் படத்தில் காண்பது அங்கே நமது தாய்மொழியாம் தமிழ் மொழியில் பொறிக்கப்பட்டுள்ள பரமண்டல ஜெபம்.

என் ராஜாவே, என் தேவனே, என் வேண்டுதலின் சத்தத்தைக் கேட்டருளும்.சங் 5:2

அமெரிக்காவில் திறப்பின் வாசல் ஜெபங்கள் 2012

கடந்த வருடம் மிகவும் ஆசீர்வாதமாக நடைபெற்ற திறப்பின் வாசல் ஜெபங்கள் இந்த வருடமும் டெக்சாஸ், கலிபோர்னியா மற்றும் வாசிங்டன் டி.சி பகுதிகளில் ஒழுங்கு செய்யப்பட்டுள்ளது. ஈஸ்ட் கோஸ்ட் பகுதியிலிருந்து வாசிங்டன் டி.சி திறப்பின் வாசல் ஜெபத்தில் பங்கு பெறுவோர் பென்சில்வேனியா இடமாற்றத்தை கவனிக்கவும்.

• Thirappin vasal jebam 2012 at Highland Lakes Camp North Spicewood Texas USA July 13,and 14 Yesu viduvikiraar Bro.Mohan.C.Lazaras and Bro.David Stewart Jr
• Thirapin vaasal jebam 2012 at Family Community Church San Jose Bay Area SanFrancisco California USA July 19,20 and 21
•  Thirappin vaasal jebam (Stand in the Gap Prayer) 2012 at Hotel Brunswick Lancaster PA  Washington DC America July 26,27 and 28 Jesus Redeems

எசேக்கியேல் 22:30 நான் தேசத்தை அழிக்காதபடிக்குத் திறப்பிலே நிற்கவும் சுவரை அடைக்கவுந்தக்கதாக ஒரு மனுஷனைத் தேடினேன், ஒருவனையும் காணேன்.

கால்பந்தாட்டக் களத்திலும் முழங்கால்

அமெரிக்க கால்பந்தாட்ட களத்தில் டிம் டிபோவின் (Tim Tebow) பெயர் மிக சர்ச்சைக்குரியது. இவரை பெரிதாக நேசிப்பவர்களும் இருக்கிறார்கள், கடுமையாக தூசிப்பவர்களும் இருக்கிறார்கள். இதற்கு காரணம் டிபோ வெளிப்படையாக தனது கிறிஸ்துவின் மேல் உள்ள விசுவாசத்தை தெரிவிப்பதுதான். பொதுவாக கிறிஸ்தவர்கள் தங்களை எப்போதுமே வெளியில் கிறிஸ்தவர்களாக காட்டிக்கொள்ள விருப்பப்பட மாட்டார்கள். அதிலும் விஐபியாக இருப்பவர்கள் கப்சிப்பென ஒரு இரககசிய கிறிஸ்தவரை போலவே நடந்துகொள்வார்கள். ஆனால் டிம் டீபோவோ வித்தியாசமானவர். அமெரிக்கர்கள் வெறித்தனமாக ரசிக்கும் கால்பந்தாட்டக் களத்தில் கூட தலை குனிந்து தேவனை நோக்கி விண்ணப்பம் ஏறெடுக்க தயங்காதவர்.(படம்:Tim Tebow in his trademarked prayer pose.) தைரியமாக தனக்கு கிறிஸ்துவின் மீது உள்ள நம்பிக்கையை உலகுக்கு எடுத்துக்கூற துணிந்தவர். இந்த நவநாகரீக உலகில் கிறிஸ்துவுக்கான இதுபோன்ற சாட்சியங்கள் மிகவும் அபூர்வமானவை.

டிம் டிபோ ”டென்வர் பிராங்காஸ்” (Denver Broncos) அணிக்காக விளையாடி வருகிறார். ஒரு முறை புளோரிடா யூனிவர்சிட்டி போட்டியின் போது இவர் தனது முகத்தில் யோவான் 3:16 என வர்ணம் தீட்டிக்கொண்டு விளையாட அன்றையதினம் மட்டும் கூகிள் தேடு தளத்தில் 92 மில்லியன் தடவை “John 3:16" என்றால் என்ன என மக்கள் தேடியிருக்கிறார்கள். அந்த வசனம் இப்படியாக பிரபல்யம் அடைந்தது. தனது டிவிட்டரில் அடுக்கடுக்காக வேத வசங்களை வெளியிடுபவர் இவர்.800,000 பேர் இவரின் டிவிட்டர் ஃபாலோவர்கள். இவரின் பேஸ்புக் அக்கவுண்டில் 1.3 மில்லியன் பேர் ரசிகர்கள்.
இளவயதிலேயே கிறிஸ்துவை தனது சொந்த இரட்சகராக ஏற்றுக்கொண்ட டிம் டிபோ கால்பந்து களத்திலிருந்து கொண்டே இப்படி பல விதங்களிலும் சுவிசேசத்தை அறிவிக்க முயன்று கொண்டு வருகிறார். இதனால் இவரை எதிர்ப்பவர்களும் பெருகியிருக்கிறார்கள்.”I hate Tim Tebow" என பேஸ்புக் பக்கங்களும் “TebowHaters.com" போன்ற தளங்களும் ஆன்லைனில் பெருகி உள்ளன.

ஜனவரி 16-ல் அமெரிக்காவில் வெளியான டைம் பத்திரிகை எழுதும் போது பொது இடத்தில் தொழகை அல்லது ஜெபம் அல்லது பிரார்த்தனை செய்வதை "Tebowing" எனலாம் என்கின்ற அளவுக்கு டிம் டிபோவின் ஆன்மீக வாழ்க்கை அமைந்துள்ளதாக கூறியுள்ளது.

சகோ.டைட்டஸ் தாயப்பன் வாழ்வில் இயேசு செய்த அற்புதங்கள் வீடியோ

இந்து மதத்தில் தீவிரமாயிருந்து பின் கிறிஸ்துவின் அன்பிற்குள் வந்த சகோ.டைட்டஸ் தாயப்பன் அவர்களின் வாழ்வில் இயேசு செய்த மாபெரும் அற்புதங்கள் சாட்சியாக இங்கே வீடியோவில்.
Hindu To Christian Testimony in Tamil Language - Bro. Titus Thayappan

Download this video.

சரீரம் ஒன்று, அதற்கு அவயவங்கள் அநேகம்

2012 அமெரிக்க அதிபர் தேர்தலில் நிற்க விருப்பம் தெரிவித்திருக்கும் டெக்சஸ் மாகாண கவர்னர் ரிக் பெர்ரி சமீபத்தில் கர்த்தரின் கிருபையால் ஒரு வெற்றிகரமான நாடு தழுவிய உபவாச நாளை நடத்தி முடித்திருக்கிறார்.அதற்கு எதிராக உருவாக்கபட்ட federal lawsuit போன்ற ஆயுதங்கள் வாய்க்காமல் போனது.கர்த்தருக்கே மகிமை.

30,000 -க்கும் அதிகமான பல்வேறு நிற இன மொழி கிறிஸ்தவ சகோதரர்களும் சகோதரிகளும் ஒரே ஸ்டேடியத்தில் ஒன்றுகூடி காலை 10 மணி முதல் மாலை 10 மணி வரை உபவாசித்து ஜெபித்து பிதாவை நோக்கி கண்ணீர் விட்டு பிரார்த்தித்திருக்கிறார்கள். தொடர்ந்து 7 மணிநேரமாக நடைபெற்ற இக்கூட்டத்தில் நாடு முழுவதும் 1300 இடங்களில் இருந்து வீடியோ வழியாக பலரும் கலந்துகொண்டனர். கான்சாஸ் மாகாண கவர்னர் சாம் பிரவுன்பேக் இக்கூட்டத்தில் நேரில் பங்குபெற்று பேசினார். புளோரிடா மாகாண கவர்னர் ரிக் ஸ்காட் வீடியோ வழியாக இந்த உபவாச ஜெபத்தில் கலந்து கொண்டார்.கடவுள் தாமே அவர்கள் விண்ணப்பத்தின் சத்தத்தை கேட்பாராக.

இக்கூட்டத்திற்கு கிறிஸ்தவர்கள் மத்தியிலும் எதிர்ப்புகள் இருந்தன.பல்வேறு டினாமினேசன்களைச் சேர்ந்த கிறிஸ்தவ தலைவர்களும் இதில் கலந்து கொள்வதாக
இருந்ததால் சில கிறிஸ்தவ போதகர்மார்களும் விசுவாசிகளும் இக்கூட்டத்தில் சுவிசேச கிறிஸ்தவர்கள் கலந்து கொள்ளக்கூடாது என தங்கள் சகாக்களை எச்சரித்திருந்தனர். ஆனாலும் கர்த்தர் மகிமையாய் வெற்றிச் சிறந்தார்.ஒருவரை ஒருவர் குற்றம் சாட்டியே குறைகூறியே நாம் கிறிஸ்தவர்களிடையே ஒருமைப்பாடு இல்லாமல் போனது. ஊர் இரண்டுபட்டால் கூத்தாடிக்கு கொண்டாட்டம்.யோவான் 17:23-ல் ஒருமைப்பாட்டில் நாம் தேறினவர்களா யிருக்கும்படிக்கு வேண்டுகிறார் இயேசப்பா. சரீரத்தில் ஒவ்வொரு அவையவங்களுக்கும் ஒவ்வொரு வேலை இருப்பதை பலர் புரிந்து கொள்வதில்லை. ஆனாலும் எல்லாவற்றிற்கும் தலையானவர் இயேசுகிறிஸ்துவே. எல்லா சபைகளுக்கும் டினாமினேசன்களுக்கும் தலையானவர் இயேசு கிறிஸ்துவே.ஒரு சபைகாரர்களை நீங்கள் பரலோகம் போகமாட்டீர்கள் என இன்னொரு சபைகாரர்கள் நியாயம் தீர்ப்பது எப்படி? கண்ணானது கையைப்பார்த்து: நீ எனக்கு வேண்டுவதில்லையென்றும்; தலையானது கால்களை நோக்கி: நீங்கள் எனக்கு வேண்டுவதில்லையென்றும் சொல்லக்கூடாது. அவர்களுக்கும் கிறிஸ்துதானே தலையானவர். ஊழியங்களிலேயும் வித்தியாசங்கள் உண்டு, கர்த்தர் ஒருவரே.(1கொரி:12:5)

யாரோ சொன்னது போல “In essentials, unity; in non-essentials, liberty; in all things, charity.”-யாக நாம் இருக்கலாம்.அதாவது முக்கியமானவற்றில் நாம் ஒரே மனமாகவும்,முக்கியமில்லாவற்றில் விட்டுக்கொடுத்தும்,பிற எல்லாவற்றிலும் தாராளமாகவும் நாம் இருப்போம்.கர்த்தர் தாமே உங்களை ஆசீர்வதிப்பாராக. ஆமென்.

ஆகஸ்ட் 6 தேசத்துக்கான உபவாச ஜெப தினமாக டெக்சாஸ் கவர்னர் பிரகடனம்

அமெரிக்காவின் தெற்கிலுள்ள ஒரு மாகாணம் டெக்சாஸ். இம்மாகாணத்தின் ஆளுநராக இருக்கும் ரிக் பெர்ரி (Rick Perry) கிறிஸ்துவின் அடிச்சுவடுகளை பின்பற்ற விரும்பும் ஒரு நல்ல கிறிஸ்தவர். இவர் சமீபத்தில் ஆகஸ்டு 6-ம் தினத்தில் தேசத்துக்காக உபவாசம் இருந்து ஜெபிக்க அனைவருக்கும் அழைப்பு விடுத்துள்ளார். இவர் தன் அறிக்கையில் கூறும் போது, “தேசம் இக்கட்டான சூழ்நிலையில் இருக்கும் போது அத்தேசத்தின் அதிகாரிகள் தேவனிடத்தில் தங்களை தாழ்த்தி ஒப்புக்கொடுத்து தேசத்தை நல்ல திசையில் நடத்த ஞானத்தையும் தேவ இரக்கத்தையும் பெற்றுக் கொள்ளவேண்டும். யோவேல் 2-ம் அதிகாரம் 15,16ம் வசனங்கள் போல நான் தேவனிடத்தில் விண்ணப்பிக்கவும் உபவாசிக்கவும் நான் உங்களை அழைக்கிறேன். அந்த வசனங்கள் இப்படியாக சொல்கிறது,சீயோனிலே எக்காளம் ஊதுங்கள், பரிசுத்த உபவாசநாளை நியமியுங்கள்; விசேஷித்த ஆசரிப்பைக் கூறுங்கள். ஜனத்தைக் கூட்டுங்கள், என்கிறது. இயேசு யோவான் 11:41-42-ல் எல்லாருக்காகவும் பொதுவெளியில் விண்ணப்பித்தது போல நாமும் நம் விசுவாசத்தை வெளிப்படுத்தவேண்டும்” எனக்கூறி ”A Day of Prayer and Fasting for Our Nation” -க்கு அறைகூவல் விடுத்துள்ளார். அமெரிக்க மாகாண கவர்னர் ஒருவரே தைரியமாக இதனை பிரகடனம் செய்ததை காணச் சகிக்காத சில குழுவினர் பிசாசினால் ஏவப்பட்டு இதனை தடைசெய்ய முழு முயற்சிமேற்கொண்டு வருகிறார்கள். இந்த ஜெப கூடுகைக்கு வரும் ஆதரவை விட எதிர்ப்புகளே அதிகம்.Federal Lawsuit-களும் போய் கொண்டிருக்கின்றன. கூடவே ஏகப்பட்ட பரிகாசங்களும் நிந்தனைகளும். யெகோவா யீரே- வெற்றி தரும் கர்த்தர் இந்த தடைகளை இழி சொற்களையெல்லாம் கடந்து அந்த உபவாச ஜெபம் மாபெரும் வெற்றி பெறவும், அதன் மூலம் சாத்தானின் கோட்டைகள் முற்றிலுமாக தகர்க்கப்படவும் நீங்களெல்லாரும் ஜெபிக்க நாம் வேண்டிக்கொள்கிறோம்.

யாத்திராகமம் 15:1 கர்த்தரைப் பாடுவேன்; அவர் மகிமையாய் வெற்றிசிறந்தார்; குதிரையையும் குதிரைவீரனையும் கடலிலே தள்ளினார்.
II கொரிந்தியர் 2:14 கிறிஸ்துவுக்குள் எப்பொழுதும் எங்களை வெற்றி சிறக்கப்பண்ணி, எல்லா இடங்களிலேயும் எங்களைக்கொண்டு அவரை அறிகிற அறிவின் வாசனையை வெளிப்படுத்துகிற தேவனுக்கு ஸ்தோத்திரம்.

http://governor.state.tx.us/news/proclamation/16247/