பொல்லாங்கனால் உண்டாயிருந்து தன் சகோதரனைக் கொலைசெய்த காயீனைப்போலிருக்கவேண்டாம்; அவன் எதினிமித்தம் அவனைக் கொலைசெய்தான்? தன் கிரியைகள் பொல்லாதவைகளும், தன் சகோதரனுடைய கிரியைகள் நீதியுள்ளவைகளுமாயிருந்ததினிமித்தந்தானே. I யோவான் 3:12

சுயமாய்ப் பேசுகிறவன் தன் சுய மகிமையைத் தேடுகிறான், தன்னை அனுப்பினவரின் மகிமையைத் தேடுகிறவனோ உண்மையுள்ளவனாயிருக்கிறான், அவனிடத்தில் அநீதியில்லை. யோவான் 7:18

அவலட்சணமான ஆதாயத்திற்காக.. தேவபக்தியை ஆதாயத்தொழிலாக‌. (I பேதுரு 5:2, I தீமோத்தேயு 6:5)

உன் தேவனாகிய கர்த்தரை நினைப்பாயாக; அவரே உன் பிதாக்களுக்கு ஆணையிட்டுக்கொடுத்த தம்முடைய உடன்படிக்கையை உறுதிப்படுத்தும்படி, இந்நாளில் உனக்கு உண்டாயிருக்கிறதுபோல, ஐசுவரியத்தைச் சம்பாதிக்கிறதற்கான பெலனை உனக்குக் கொடுக்கிறவர். உபாகமம் 8:18

நான்..மனுஷரைப் பிரியப்படுத்துகிறவனாயிருந்தால் நான் கிறிஸ்துவின் ஊழியக்காரனல்லவே என்கிறார் பவுல் அப்போஸ்தலன். மனுஷனுக்குப் பயப்படும் பயம் கண்ணியை வருவிக்கும்; கர்த்தரை நம்புகிறவனோ உயர்ந்த அடைக்கலத்திலே வைக்கப்படுவான் என்கிறது நீதிமொழிகள். (கலாத்தியர் 1:10, நீதிமொழிகள் 29:25)

தேவன் நம்முடைய பட்சத்திலிருந்தால் நமக்கு விரோதமாயிருப்பவன் யார்? ரோமர் 8:31

அவனவன் பெற்ற வரத்தின்படியே.. ஒருவருக்கொருவர் உதவிசெய்யுங்கள். அவனவன் பெற்ற வரத்தின்படியே நீங்கள் தேவனுடைய பற்பல கிருபையுள்ள ஈவுகளைப் பகிர்ந்துகொடுக்கும் நல்ல உக்கிராணக்காரர்போல, ஒருவருக்கொருவர் உதவிசெய்யுங்கள். I பேதுரு 4:10

அவர்கள்மேல் உயர்ந்தவரும் ஒருவருண்டு. ஒரு தேசத்தில்..நியாயமும் நீதியும் புரட்டப்படுகிறதையும் நீ காண்பாயானால், அதைக்குறித்து ஆச்சரியப்படாதே; உயர்ந்தவன்மேல் உயர்ந்தவன் காவலாளியாயிருக்கிறான்; அவர்கள்மேல் உயர்ந்தவரும் ஒருவருண்டு. பிரசங்கி 5:8

உன் தேவனாகிய கர்த்தர் உன்மேல் அன்புகூர்ந்தபடியினால், உன் தேவனாகிய கர்த்தர் அந்தச் சாபத்தை உனக்கு ஆசீர்வாதமாக மாறப்பண்ணினார். உபாகமம் 23:5

ஆண்டுக்கு 1.8 அங்குலம் வீதம் இந்திய துணைகண்டம் மெதுவாக வடக்கு நோக்கி திபெத் மற்றும் நேபாள நிலப்பரப்புகளுக்கு அடியே நகர்ந்து செல்லுகிறதாம். இப்படி கடந்த 81 வருடங்களில் இந்திய நிலப்பரப்பு வடக்கு நோக்கி நகர்ந்த தூரம் 12 அடிகள். சமீபத்திய நிலநடுக்கம் மட்டும் இந்தியாவின் ஒரு பகுதியை 10 அடிகள் வடக்கு நோக்கி நகர்த்தியுள்ளதாக சொல்லுகிறார்கள். இப்படியாக மலைகள் விலகுவதும், பர்வதங்கள் நிலைபெயர்வதும் அதனால் மக்கள் சொல்லொன்னா இன்னல்களுக்குள்ளாவதும் இன்று அன்றாட நிகழ்வுகளாகிவிட்டன. ஆனாலும் வேதம் சொல்லுகிறது "மலைகள் விலகினாலும், பர்வதங்கள் நிலைபெயர்ந்தாலும், என் கிருபை உன்னைவிட்டு விலகாமலும், என் சமாதானத்தின் உடன்படிக்கை நிலைபெயராமலும் இருக்கும் என்று, உன்மேல் மனதுருகுகிற கர்த்தர் சொல்லுகிறார்" என்று. கர்த்தரின் வாக்குத்தத்தத்தை அப்படியே பிடித்துக்கொள்வோமா.(ஏசாயா 54:10)